Mere Chara'Gar Tujhe Kya Khabar, K Yeh Dard
Kitna Ajeeb Hai, Na Sakoon-E-Dil , Na Qarar-E-
Jaan, Na Hi Neend Mujh Ko Naseeb Hai!! Yeh Ajab
Hai Qissa-E-Zindagi, Wo Mila Toh Raah-E-Hayat
Mein, Mujhe Wo Nashat-O-Khusi Mili, K Sakoon,
Farhat-O-Itminaan!! Meri Dharknon Main Sama
Gaye, Wo Jo Dard Ankh Main Qaid The, Maray
Aansuon Main Naha Gaye, Mujhay Har Qadam Pe
Guma Hua, K Badal Rahi Hain Haqeeqtain, K
Bikhar Rahi Hain Musaftain, Per Us K Baad Yeh
Kya Huwa? ? Wo Gaya To Cheen Ke Ley Gaya
Mera Chain, Sabr-O-Qarar Bhi, Meri Rahatein ,
Meri Chahatein, Meri Zindagi Ki Bahar Bhi, Mera
Likhna Aur Mera Sochna, Mera Husn , Mera Nikhar
Bhi, Main Ne Hasna Khailna Chor Kar, Issi Ghum
Ko Dil Se Laga Liya, Mere Chara'Gar Tujhay Kya
Khabar?? K Ajab Hain Ishq K Mamlay, Na Hi Meri
Basat Hai Iss Qadar, K Main Us Ko Dil Se Nikal
Kar, Kisi Aur Dar Ka Gada Banun, Na Yeh Tere
Bass Ki Hi Baat Hai, K Mere Dard Ki Tu Dawa
Kare, K Mere Dard Ka Jo Ilaaj Hai, Teri Puhanch
Teri Basat Se, Teri Soch Se Bhi Hai Mawra, To
Kahan Se Lao Ge Dhoond Kar Mere Chain , Sabr-
O-Qarar Ko, Tujhe Keh Raha Hon Main Chara'Gar,
Mere Zakham Pe Yeh Dawa Na Rakh, Mere Dard Ki
Yeh Dawa Nahi, Main Mareez-E-Ishq Hun Iss Liye,
Mera Theek Hona Muhal Hai, Mere Chara'Gar
Tujhay Kya Khabar……??
