Is Se Pehlay Ke Bewafa Ho Jayein

Is Se Pehlay Ke Bewafa Ho Jayein

Kiun Na Ay Dost Ham Judaa Ho Jayein ?

TU Bhee Heeray Se Ban Gaya Patthar

Ham Bhee Kal Jaanay Kia Se Kia Ho Jayein

Hum Bhee Majboorion Ka Uzar Karain

Phir Kaheen Aur Mubtala Ho Jayein

Ab Ke Gar TU Milay Tou Ham Tujhse

Aisay Liptain Teri Qabaa Ho Jayein

Bandagi Ham Ne Chhod Di Hai “Faraz”

Kia Karain Jub Loog Khuda Ho Jayein