سب سے بڑی مصیبت

سب سے بڑی مصیبت:

≈≈≈≈≈≈≈≈≈≈≈

آج کے دور کی سب سے بڑی مصیبت یہ ہے کہ گناہوں سے سو فیصد توبہ نہیں کرتے، الّا ما شاء اللہ، پانچوں انگلیاں برابر نہیں ہوتیں، قدسی روحیں بھی موجود ہیں۔

لیکن فرض کریں کہ اگر تمام گناہوں کی تعداد سو ہے تو آج کوئی پچاس فیصد گناہوں سے بچ رہا ہے، کوئی ساٹھ فیصد بچ رہا ہے، کوئی ستّر فیصد بچ رہا ہے، کوئی اسّی فیصد بچ رہا ہے، دیندار کہلانے والے نوے فیصد بچ رہے ہیں، اور اس سے اوپر جو ذکر اذکار کی محنت کرنے والے ہیں وہ بھی نوے اور پچانوے فیصد بچ رہے ہیں۔

آخری پانچ فیصد گناہوں میں نفس کہیں نہ کہیں دھوکا دے جاتا ہے۔

کسی کی آنکھ قابو میں نہیں، کسی کی زبان قابو میں نہیں، کسی نے دل کو کسی ارمان میں پھنسا رکھا ہے اور کسی نے اپنے آپ کو کسی کاروبار میں الجھا رکھا ہے۔

کوئی نہ کوئی ایسا گناہ سرزد ہو جاتا ہے جس کی وجہ سے بندہ اللہ رب العزت سے دور ہو جاتا ہے۔

﴿خطباتِ فقیر، ج: ۶، ص: ۲۲﴾